Ստորև կարող եք ծանոթանալ տարբեր կարգերի վիզաների սակագներին ՀՀ դրամով՝

Բոլոր օտարերկրյա փաստաթղթերը պետք է լինեն օրինականացված կամ ապոստիլացված, իսկ եթե դրանք կազմված են ոչ իսպաներեն, ապա պետք է կցվի համապատասխան թարգմանությունը։

1. Ազգային վիզայի դիմում-հայտ Դիմողը պետք է լրացնի բոլոր բաժինները և ստորագրի վիզայի դիմումը։ Եթե դիմողը անչափահաս է, դիմումը պետք է ստորագրվի ծնողներից մեկի, խնամակալի կամ լիազորված ներկայացուցչի կողմից։

2. Լուսանկար Երկու գունավոր լուսանկար սպիտակ ֆոնի վրա՝ ամբողջ դեմքով, առանց մուգ ակնոցների, փայլերի կամ դեմքի օվալը ծածկող հագուստի։

3. Վավեր անձնագիր Անհրաժեշտ է ներկայացնել բոլոր գործող անձնագրերի բնօրինակներն ու ամբողջական պատճենները, ներառյալ այն անձնագիրը, որն օգտագործվել է դիմում ներկայացնելիս։ Անձնագիրը պետք է վավեր լինի առնվազն մեկ տարի և ունենա երկու դատարկ էջ։ 10 տարուց ավելի վաղ տրված անձնագրերը չեն ընդունվում։

4. Ներքին անձնագրի բոլոր էջերի պատճեն Միայն Ռուսաստանի Դաշնության քաղաքացիների համար։

5. Աշխատանք 91-ից 180 օր ժամկետով Փաստաթուղթ, որը հաստատում է աշխատանքային կամ մասնագիտական հարաբերությունները այն ընկերության հետ, որը վարձում է մասնագետին։

180 օրից ավելի աշխատանքի դեպքում՝ Խոշոր ընկերությունների և ռազմավարական խմբերի վարչության (UGE) կողմից տրված աշխատանքի և կացության թույլտվություն։

6. Փաստաթուղթ աուդիովիզուալ նախագծին մասնակցության մասին Փաստաթուղթ, որը հաստատում է մասնագետի մասնակցությունը աուդիովիզուալ ոլորտի արտադրական նախագծին կամ հանդիսատեսի առջև գեղարվեստական ելույթին, կամ զանգվածային լրատվամիջոցներով հեռարձակման նպատակով ձայնագրվող նախագծին։ Փաստաթղթում պետք է նշված լինի նախատեսվող գործունեության տևողությունը, որը չի կարող գերազանցել 180 օրը։

7. Դատվածության բացակայության տեղեկանք Չափահաս դիմողները պետք է ներկայացնեն վերջին 5 տարիների ընթացքում բնակության երկրների կողմից տրված դատվածության բացակայության տեղեկանքի բնօրինակը և պատճենը։ Տեղեկանքը պետք է թարգմանված և օրինականացված լինի։

Ռուսաստանի Դաշնությունում, Բելառուսում, Հայաստանում և Ուզբեկստանում տրված տեղեկանքները պետք է ունենան Հաագայի ապոստիլ։

Դատվածության բացակայության տեղեկանքները պետք է վավերացված լինեն Հաագայի ապոստիլով։ Սակայն, եթե տեղեկանքը տրվել է Եվրամիության քաղաքացուն այն անդամ պետության կողմից, որի քաղաքացին նա հանդիսանում է, ապա ապոստիլ չի պահանջվում։

Եթե երկիրը, որտեղ դիմողը բնակվել է վերջին 5 տարիների ընթացքում, չի հանդիսանում 1961 թվականի Հաագայի կոնվենցիայի մասնակից, տեղեկանքը պետք է վավերացվի տվյալ երկրի արտաքին գործերի նախարարության, ապա այդ երկրում Իսպանիայի հյուպատոսության կողմից։

Տեղեկանքին պետք է կցվի իսպաներեն թարգմանություն (եթե բնօրինակը տրված չէ իսպաներենով)։ Թարգմանությունը պետք է կատարված լինի երդվյալ թարգմանչի կողմից կամ օրինականացված լինի հյուպատոսությունում։

8. Բժշկական ապահովագրություն Ապահովագրական վկայագրի բնօրինակը և պատճենը՝ պետական կամ մասնավոր բժշկական ապահովագրության վերաբերյալ, որը ձևակերպված է Իսպանիայում գործունեություն իրականացնելու իրավունք ունեցող ապահովագրական ընկերության կողմից։ Ապահովագրությունը պետք է ծածկի Իսպանիայի պետական առողջապահական համակարգի կողմից տրամադրվող բոլոր ռիսկերը։

9. Պատասխանատվության հայտարարագիր Իսպանիայում աշխատակիցներ վարձող ընկերության պատասխանատվության հայտարարագիր, որը երաշխավորում է սոցիալական ապահովության և հարկային մարմիններին վճարումների ժամանակին կատարումը։

10. Բնակության վայրի հաստատում հյուպատոսական շրջանի սահմաններում Վիզայի դիմում կարող են ներկայացնել այն քաղաքացիները և օրինական բնակիչները, որոնք բնակվում են համապատասխան հյուպատոսական շրջանում։ Այլ երկրների քաղաքացիներ, որոնք բնակվում են մեր հյուպատոսական շրջանում պետք է ունենան կացության թույլտվություն։

11. Օրինական ներկայացուցիչների թույլտվություն Եթե դիմողը անչափահաս է, անհրաժեշտ է ներկայացնել ծնողների կամ խնամակալների նոտարական հայտարարության բնօրինակը և պատճենը՝ Հաագայի ապոստիլով, որը թույլատրում է անչափահասի մեկնումը Իսպանիա՝ նշելով Իսպանիայում նրա համար պատասխանատու անձին։ Փաստաթղթերը պետք է ուղեկցվեն իսպաներեն պաշտոնական թարգմանությամբ և թարգմանության օրինականացմամբ։

12. Վիզայի վճարի վճարում Վիզայի վճարը պարտադիր է և պետք է վճարվի դիմումը ներկայացնելու պահին։ Վճարները կատարվում են տեղական արժույթով և պարբերաբար թարմացվում են՝ կախված փոխարժեքի տատանումներից։

Ընտանիքի անդամների համար անհրաժեշտ փաստաթղթեր

Եթե դիմողը աուդիովիզուալ ոլորտի մասնագետի ընտանիքի անդամ է, նա պետք է ներկայացնի ազգակցական կապը և, անհրաժեշտության դեպքում, ֆինանսական կախվածությունը հաստատող փաստաթղթեր՝ նույն պայմաններով, որոնք կիրառվում են 14/2013 օրենքով կարգավորվող այլ վիզաների դիմումների համար։

Բացի այդ, մասնագետը պետք է ներկայացնի փաստաթղթեր, որոնք հաստատում են ընտանիքի անդամներին պահելու համար բավարար ֆինանսական միջոցների կամ եկամտի աղբյուրի առկայությունը։ Դա կարող է հաստատվել աշխատանքային պայմանագրով կամ մասնագիտական հարաբերությունները հաստատող փաստաթղթերով։

Առնվազն հասանելի միջոցները կամ ակնկալվող եկամուտը պետք է համարժեք լինեն IPREM-ի 150%-ին հիմնական դիմողի և ընտանիքի մեկ անդամի համար։ Ընտանիքի յուրաքանչյուր հաջորդ անդամի համար անհրաժեշտ է ավելացնել IPREM-ի ևս 50%-ը։

Անհրաժեշտության դեպքում, դիմումը գնահատելու նպատակով, հյուպատոսական բաժինը կարող է պահանջել լրացուցիչ փաստաթղթեր կամ տեղեկություններ, ինչպես նաև հրավիրել դիմողին անձնական հարցազրույցի։

Վիզա ստանալու համար ներկայացվող լուսանկարի պահանջներ՝

• Լուսանկարը պետք է լինի գունավոր, իսկ ֆոնը՝ սպիտակ:
• Լուսանկարը պետք է լինի առավելագույնը 6 ամիս առաջվա:
• Լուսանկարը պետք է սոսնձվի հարցաթերթիկին:
• Լուսանկարի չափսերը պետք է բավարար են հետևյալ պահանջներին՝ 3.5 սմ x 4.5 սմ: Դեմքը պետք է լինի լուսանկարի կենտրոնում: Գլխի չափսը (գագաթից մինչև դունչ) պետք է լինի մոտ 3 սմ:
• Լուսանկարի վրա պետք է լինի ամբողջական դիմերես, հայտատուի հայացքը պետք է ուղղված լինի ուղիղ տեսախցիկին:
• Հայտատուի լուսանկարը պետք է ամբողջապես արտացոլի պատկերը գագաթից մինչև դունչ և մազերի եզրագծով կողքերից: Նախընտրելի է, որ ականջները երևան:

Լուսանկարի հանդեպ պահանջներին վերաբերող լրացուցիչ տեղեկատվությունը կարոց եք ստանալ հետևյալ հղմամբ՝

Խնդրում ենք ուշադիր հետևել ցուցումներին: Եթե լուսանկարը չբավարարի պահանջներին, փաստաթղթերի փաթեթը կդիտարկվի որպես ոչ ամբողջական:

Ազգային վիզայի դիմումի ձև